Чичарито е следниот кој ќе се пресели во Саудиска Арабија?

Напаѓачот на Лос Анџелес Галакси, Хавиер Хернандез-Чичарито, зборуваше за тоа каде ќе ја продолжи кариерата. Тој во јануари ќе стане слободен играч.

„Ги проценувам проектите во МЛС, Европа, Мексико, а исто така и во Саудиска Арабија. Се вратив посилен, поотпорен и желен да продолжам да уживам во фудбалот. Моето колено е добро“, изјави Чичарито.

Оваа сезона 35-годишниот Мексиканец настапи на 12 натпревари во сите натпреварувања, постигна еден гол и една асистенција.