Фудбалерот од средниот ред на Арсенал, Томас Парти, му соопштил на раководството на клубот дека сака да замине во јануари за да проба нешто ново во кариерата. 30-годишниот Ганаец има договор со лондончани до 2025 година, а интерес за него покажува италијанскиот калчолигаш Јувентус.
Парти е во својата четврта сезона во Арсенал, откако беше ангажиран од Атлетико Мадрид за 45 милиони фунти. Досега одигра 104 натпревари за „топчиите“, но во тој период имаше девет повреди поради кои пропушти повеќе од 50 натпревари на тимот.
По потпишувањето на Деклан Рајс, Ганецот чувствува дека неговите шанси за настап ќе стануваат сè помали и тоа е една од главните причини поради кои сака да го напушти Арсенал.
Во летото Ал-Ахли беше заинтересиран за Томас Парти, но тој одби да замине во Саудиска Арабија.
