Ѕвездите се отворија за Езгјан Алиоски. Џани ужива во успесите со Македонија и во моментите на слава во Лидс Јунајтед. Се готви нов договор за македонскиот репрезентативец откако успеа да се наметне кај Марсело Биелса и одигра фантастичен натпревар против Арсенал во Премиер – лигата.
Статистиката вели дека имаше најмногу освоени дуели, најмногу метри истрчани со топка во нозе, го „елиминира“ еден од најдобрите напаѓачи на противникот Пепе и докажа дека заслужува уште долго да го носи дресот на Лидс Јунајтед. Раководството на клубот брза да го подготви новиот договор затоа што актуелниот на Џани истекува на крајот од сезоната.
Ова е лудо добар месец за позитивно „лудиот“ Џани Алиоски…
