Тони Џангаровски е нов тренер на Македонија ЃП

Македонскиот прволигаш Македонија ЃП го именуваше Тони Џангаровски за нов шеф на стручниот штаб. Тој ќе го наследи Горан Симов, кој вчера спогодбено се раздели со раководството на клубот.

Тони Џангаровски ја доби довербата за нов шеф на стручниот штаб, заедно со Боби Божиновски кој ќе биде прв асистент.

„Без размислување го прифаќам предизвикот бидејќи верувам во успех со оваа екипа. Веќе на следниот натпревар ќе покажеме дека Македонија ЃП е победничка екипа“, изјави Тони Џангаровски.