Дефанзивецот на Баерн Минхен, Дајот Упамекано, заработи повреда на тетивата и ќе паузира на неодредено време, соопшти раководството на германскиот фудбалски шампион.
„Скенерот откри дека Упамекано има повреда на тетивата на левата нога за време на натпреварот во Бундес-лигата против Фрајбург во неделата, што засега го исклучува од тимот“, се вели во соопштението на клубот.
Според германските медиуми, Упамекано ќе биде надвор од терените околу три недели.
Добрата вест за Баерн е неговиот соиграч од одбраната Матијс де Лихт е подготвен да се врати на теренот по проблемите со коленото.
