УЕФА официјално ги објави домаќините на европските првенства во 2028 и 2032 година.
Претстојното издание на турнирот ќе се одржи во Германија идната година, а домаќини на ЕВРО 2028 ќе бидат Велика Британија и Ирска. Предложените градови домаќини се Белфаст, Бирмингем, Кардиф, Даблин, Глазгов, Ливерпул, Манчестер, Њукасл и два стадиони во Лондон.
Во 2032 година домаќини на ЕП ќе бидат Италија и Турција. Беа предложени 20 стадиони, а од нив ќе се изберат 10, по 5 од секоја земја, соопшти УЕФА.
