Повремениот македонски репрезентативец Даниел Аврамовски денеска го имаше своето деби во дресот на турскиот прволигаш Кајзериспор. Неговиот тим славеше на гостувањето кај Денизлиспор со 0-1, а нашиот интернационалец доби шанса во завршницата, на местото на Мануел Фернандеш.
На Аврамовски клубот пред неколку дена му ја активираше лиценцата за настап, откако тренерот Угур Кулаксиз процени дека тој е потполно подготвен за игра. Аврамовски подолг период беше повреден откако потпиша за Кајзериспор, а сега ги добива првите минути во турското првенство.
