Македонскиот стратег Чедомир Јаневски почна со работа во кипарскиот прволигаш Олимпијакос Никозија. По задолжителниот карантин откако дојде на Кипар, Јаневски го презема тимот на Олимпијакос и потпиша договор до крајот на сезоната.
Јаневски претходно на Кипар работеше и во кипарскиот прволигаш Енозис, а ќе има многу работа и во Олимпијакос Никозија. Тимот нанижа пет последовни порази пред неговото доаѓање. Во моментот се наоѓа на осмото место на табелата во кипарскиот шампионат.
