Гостивар доведе уште едно големо засилување во нападот

Летниот преоден рок во Македонија влегува во фотофиниш, а новиот прволигаш Гостивар се обидува дополнително да се засили. Пристигна најновото засилување, Нигериецот Ланре Кехинде.

Се работи за искусен напаѓач, кој во кариерата има играно во неколку турски и израелски клубови.

Кехинде бил дел од Анкарагучу, Денизлиспор, како и Умранијеспор, Менемен…

Минатата сезона Ланре Кехинде настапувал во израелскиот второлигаш Хапоел Ноф ГаХалил, каде на 23 натпревари постигнал 11 гола.