
Брегалница ја пречека Брера која досега имаше максимален ефект и ја победи во Штип со 1-0. Стрелец на победничкиот гол беше Фабрицио Венегас во 27.минута. Гостите имаа одлична можност за израмнување, но капитенот Врдољак не искористи пенал во 73.минута од дуелот.
Работнички и Шкендија на стадионот „Борис Трајковски“ одиграа неверојатен меч (1-2), а тетовци се уште имаат максимален ефект.
Новото засилување на Работнички, Шафик Кагиму, постигна прекрасен погодок во 28.минута, а Шкендија израмни и постигна победнички гол во судиското продолжение за триумф од 1-2. Дита израмни во 91.минута, а Красниќи постигна гол за победа во 96.минута.
Шкупи на Чаир го победи Гостивар со 3-1. Хоџиќ го отвори резултатот, Алпер Потук израмни во 64.минута.
Шест минути подоцна Суад Сахити донесе нова радост за тимот од Чаир. На крајот домаќинот постигна и трет гол.
Силекс во Кратово одигра 2-2 против Македонија ЃП. Марко Ѓорѓиевски во 44.минута го отвори резултатот, но на одморот сепак „лавовите“ заминаа со предност од 1-2. Филип Алексовски израмни веќе во следната минута, а Скендери погоди во судиското продолжение од првиот дел.
Силекс израмни од пенал, во 82.минута. Антонио Каланоски беше успешен реализатор откако еден играч на гостите играше со рака во шеснаесетникот.
Тиквеш и Воска Спорт одиграа 1-1. Гасама во 17.минута донесе радост за домаќинот, а израмни Марушиќ во 73.минута.
ПРВА ЛИГА, 5. КОЛО – РЕЗУЛТАТИ
ТИКВЕШ – ВОСКА СПОРТ 1-1
БРЕГАЛНИЦА – АП БРЕРА 1-0
РАБОТНИЧКИ – ШКЕНДИЈА 1-2
ШКУПИ – ГОСТИВАР 3-1
СИЛЕКС – МАКЕДОНИЈА ЃП 2-2
СТРУГА ТЛ – ВАРДАР (01.11.2023)

-
МАКФУДБАЛ ТИМ НА КОЛОТО ВО ПРВАТА ЛИГА
Вардар го доби вечното македонско дерби со брзината и генијалните потези на Роџерс Мато,...
Автор makfudbal
-
(ИН)ДИРЕКТ: Јас би ја казнил Шкендија 59 меча да игра без публика!
Трагедијата во Кочани се случи, сигурно дека можеше да се превенира, но со оглед...
Автор Nikola Gjurovski

Прва лига
Гостивар му се заблагодари и на Алдаир

Евро-фудбал
Штутгарт во финалето на германскиот Куп (ВИДЕО)
