Македонскиот интернационалец Димитар Митровски игра во одлична форма на стартот од сезоната во Хрватска. Тој го постигна вториот гол за Вараждин од почетокот на првенството, стрелајќи во ремито (3-3) против Локомотива Загреб.
Митровски ја искористи големата грешка на домашниот голман Никола Чавлина и погоди во 19. минута за почетно водство на Вараждин.
Во последните 15 минути во тимот на Локомотива Загреб заигра и младинскиот репрезентативец Фета Фетаи, кој летово направи трансфер од Работнички.
