Преостанати македонски претставници во Конференциската лига, Шкупи и Струга Трим Лум, денеска ќе ги добијат можните противници за третото квалификациско коло. Ждребот е од 14 часот во Нион.
Ако Струга успее да ја елиминира Будуќност, во третото квалификациско коло како можни ривали ги има Линколн од Гибралтар, победникот од Њу Сеинтс (Велс) – Свифт Хеспер (Луксембург) или подобриот од дуелот Балкани (Косово) – Ларн (Северна Ирска).
Шкупи е меѓу неносителите, а најзвучен ривал што може да го добие е Динамо Киев. Во опција се и победниците од дуелите Митјиланд (Данска) – Прогрес Нидерком (Луксембург), Хапоел Бер Шева (Израел) – Паневезис (Литванија), Ордабаси (Казахстан) – Легија Варшава (Полска).
