Португалскиот интернационалец Бруно Фернандеш е именуван за нов капитен на Манчестер јунајтед, соопшти англискиот клуб. Тој и минатата сезона неколкупати ја носеше лентата, но сега официјално ќе биде прв капитен на „црвените ѓаволи“.
Хари Мегваер беше капитен на тимот, но тој полека го загуби местото во стартниот тим, а Ерик тен Хаг пред почетокот на оваа сезона му соопшти дека веќе нема да биде предводник на составот.
Бруно Фернандеш во Манчестер јунајтед е од 2020 година, има одиграно 185 натпревари, постигнато 64 голови и 54 асистенции.
