Македонија Ѓорче Петров со негатива (0-1) отпатува за Рига на денешниот реванш меч од првото квалификациско коло во Конференциската лига. Тимот на Горан Симов падна на испитот на искуството на првиот меч, не ги искористи своите шанси, а тоа РФС знаеше да го казни.
Но, не е негативата недостижна, ќе треба да се одигра многу подобро на реваншот и можеби натпреварот ќе добие сосема поинаква насока.
Натпреварот почнува од 17.30 часот, а „лавовите“ веројатно ќе се обидат со поофанзивна игра да се вратат резултатски во двомечот. Победникот во следната рунда ќе игра против Сабах од Азербејџан.
