Имобиле е следниот кој оди во Саудиска Арабија?

Италијанскиот напаѓач Чиро Имобиле би можел да замине во Саудиска Арабија. Лацио добил понуда вредна 30 милиони евра за Имобиле, а тој би заработувал 18 милиони евра по сезона. Одлуката е на играчот.

Имобиле за Лацио одигра 297 натпревари и постигна 196 голови. Во три од последните пет сезони тој беше најдобар стрелец во Серија А.

Саудиските клубови тргнаа во офанзива на дел од најдобрите фудбалери од европските клубови и засега добро им оди со трансферите.