Маркус Рашфорд ќе остане на „Олд Трафорд“ до јуни 2028 година. Тој влегуваше во последната година од актуелниот договор, но немаше сомнеж дека ќе остане во Манчестер Јунајтед и дека ќе потпише нов долгорочен договор.
Напаѓачот порасна на „Олд Трафорд“, а досега има одиграно 359 натпревари за „црвените ѓаволи“ и 123 гола.
„Дојдов во Манчестер Јунајтед како седумгодишно дете со голем сон. Сѐ уште ја имам истата страст да успеам, истата гордост кога ќе го облечам овој дрес. Цел живот навивам за Манчестер Јунајтед, знам што значи да се игра за овој голем клуб“, изјави Рашфорд.
