Борусија Дортмунд го доведе Феликс Нмеча од Волфсбург како замена за Џуд Белингем кој се пресели во Реал Мадрид. Договорот на германскиот репрезентативец е до летото 2028 година, а зделката е вредна 30 милиони евра со бонуси.
Играчот од средниот ред ќе игра во дресот со број „8“.
„Борусија Дортмунд е голем клуб што го следев уште од дете. Возбуден сум што сега ќе бидам дел од него и ќе му помогнам на тимот да ги постигне своите цели во Бундеслигата, Купот на Германија и Лигата на шампионите. Се надевам дека фановите ќе ми дадат можност да ги запознаам“, изјави Нмеча.
