Ханза Рошток, клубот кој е член на Втората Бундес-лига, е заинтересиран да го купи македонскиот репрезентативец Милан Ристовски. Според германските медиуми, клубот набрзо ќе испрати официјална понуда за напаѓачот на Спартак Трнава.
Милан Ристовски за тимот на Спартак Трнава досега одигра 106 натпревари, на кои постигна 38 гола и забележа осум асистенции. Сега би можел да направи чекор напред во кариерата и од Словачка да се пресели во Германија.
Спортскиот директор на Ханза, Кристијан Волтер, истакна дека приоритет на клубот е да доведе нов офанзивец, а на врвот на листата на желбите е токму Милан Ристовски.
