Галатасарај ја чека Струга ТЛ во второто коло од ЛШ, ако успее да го елиминира Жалгирис

Македонскиот првак Струга Трим Лум ако успее да го елиминира литванскиот тим Жалгирис во првото коло, тогаш во второто коло ќе игра против турскиот гигант Галатасарај во втората рунда од квалификациите. Вака одлучи денешниот ждреб во Нион, Швајцарија.

Тоа секако треба да биде огромен мотив за тимот на Шпетим Дуро да даде сѐ од себе во пресметката со Жалгирис.

Струга ТЛ би била домаќин во првиот меч против Галатасарај на 25/26 јули, додека реваншот би се играл на 1/2 август во Истанбул.