Капитенот на нашиот национлен тим, Горан Пандев, пред денешниот тренинг во Израел се пофали со специјалните копачки што ги добил на подарок од Сатја Грабулоски. Станува збор за дизајнер кој е специјалист за ваков вид на опрема и кој во минатото им даваше слични подароци на бројни македонски репрезентативци во различни спортови, а сега најновиот „специјалитет“ на Грабулоски заврши во рацете на најдобриот македонски фудбалер.
„Гранде Пандев“, како што пишува на левата копачка, позираше со подарокот пред денешниот тренинг, а асот на Џенова ќе настапи во нив на претстојниот квалификациски натпревар со израелскиот национален тим што ќе се игра в четврток во Ашдод.
