Се повреди Кварацкелија, неизвесен за дербито со Интер

Крилниот напаѓач на Наполи, Квича Кварацкелија, се повреди на тренингот пред натпреварот со Интер во 36. коло од италијанското првенство, објави клубот на својата официјална веб-страница.

Репрезентативецот на Грузија вчера тренираше одвоено од групата. Така, играчот може да ја пропушти пресметката со Интер, која е закажана за утре на стадионот „Диего Армандо Марадона“.

Оваа сезона 22-годишниот Кварацкелија забележа 40 настапи за „наполитанците“, постигнувајќи 14 гола и 17 асистенции.