Интер и Манчестер Сити ќе играат во финалето на Лигата на шампионите на 10 јуни во Истанбул. Овој меч секако ќе биде посебен за сите актери, но особено за напаѓачот на Интер, Един Џеко, кој голем дел од кариерата го мина токму во дресот на „граѓаните“. Во финалето ќе има можност да игра против својот поранешен клуб.
Џеко е воодушевен што против Манчестер Сити ќе се бори за највредниот трофеј во клупскиот фудбал и по пласманот на „граѓаните“ во финалето се огласи на Твитер со порака „се гледаме во Истанбул“.
Босанскиот напаѓач играше за Манчестер Сити од 2011 до 2015 година, од каде замина во Рома, а од редовите на „волчицата“ пристигна во Интер во 2021 година.
