Претседателот на Барселона, Жоан Лапорта, го прокоментира успехот во Ла Лига против Еспањол и официјалното освојување на титулата.
„Ја заслуживме оваа титула. Економски го спасивме клубот и ја вративме радоста на навивачите на Барселона освојувајќи важни титули. Серхио Бускетс се збогува како шампион во Ла Лига. Тој секогаш ќе биде во нашите срца, тој е важен дел од историјата на Барса. Но, животот продолжува и ние мора да им честитаме на сите. Не е лесно да се освои Ла Лига, шампионатот го освојува најдобриот тим. Им честитам на сите: на играчите, на стручниот штаб и на навивачите. Чави одигра клучна улога, имаме одличен тренер“, изјави Лапорта, цитиран од шпанскиот весник „Марка“.
Лапорта им даде и ветување на сите навивачи на Барселона.
„Ќе направиме сѐ што е во наша моќ за да го вратиме Лео Меси во Барселона“, изјави првиот човек на клубот.
Лапорта потоа влезе во соблекувалната и се приклучи на забавата на играчите.
