АЕК Атина по 13. пат ја освои титулата во грчкото фудбалско првенство. Во последното коло од шампионатот „жолто-црните“ го совладаа Волос на гости со 0-4 и за првпат од 2018 година станаа шампиони на нашиот јужен сосед.
Со победата АЕК собра 83 бода и заврши пред второпласираниот Панатинаикос. „Зелените“ ремизираа 1-1 на домашен терен со Арис и успеаја да освојат само еден бод во последните два меча.
Стивен Зубер и Мијат Гачиновиќ беа прецизни во првото полувреме, а Орбелин Пинеда и Дамијан Шимански погидија во вториот дел во триумфот на АЕК.
Третото место во Грција му припадна на шампионот од последните три сезони, Олимпијакос, кој во директна пресметка за пласман во квалификациите за Лига Европа како гостин го победи ПАОК со 1-0.
