Сѐ е готово, Маурисио Покетино се враќа во Премиер-лигата, во Лондон, по Тотенхем ќе го води Челси, а неговата најважна задача ќе биде враќањето на „сините“ на врвот на англискиот фудбал. Се очекува и голема „чистка“, обид за продажба на некои играчи за да се отвори простор за нови трошења, според Финансискиот фер-плеј.
Американските сопственици инвестирале околу 600 милиони фунти во нови играчи од нивното доаѓање и немаат намера да застанат тука.
Во некои внатрешни дискусии во клубот се споменуваат четири имиња, големи ѕвезди, кои би дошле на „Стемфорд бриџ“ ова лето. Како што пишуваат медиумите во Англија, клубот бара засилувања во сите линии, а прва мисија е нов напаѓач. Една од идеите е секако Хари Кејн, договорот му истекува во 2024 година, Тотенхем не е лесно достапен, но се чини дека капитенот на Англија сака да си замине, прашање на тајминг е летово или следното.
Челси на крајот би можел да понуди играч како дел од пакетот, на пример Лукаку, кој се враќа од Интер на позајмица. Во вториот дел од сезоната Белгиецот игра одлично, но Леви тешко дека ќе се согласи на трејд.
Голема желба е Деклан Рајс и тој е најблиску до Челси. Нему како и Кејн му истекува договорот во летото 2024 година и Вест Хем се чини се помири со заминувањето, Лампард многу го сакаше англискиот репрезентативец уште во првиот мандат, нема да го пречека, со оглед дека легендарниот капитен е само чувар на клупата за Покетино.
Во средниот ред, Челси како и Ливерпул го сака одличниот Алексис Мекалистер од Брајтон, а бара и голман. Целта е уште еден Аргентинец, светскиот шампион, Емилијано Мартинез, голманот на Астон Вила има цврст договор, но сака да замине во поголем клуб.
Кои се алтернативите? Да речеме, на голманската позиција, ако Мартинез не може, би се обиделе да го купат Онана од Интер. Во средниот ред, алтернативи за Мекалистер се неговиот клупски колега Каиседо, па дури и Хојбјерг од Тотенхем. Во нападот го следат Вилфрид Заха кому му истекува договорот со Кристал Палас, а Покетино наводно не би имал ништо против да го тренира повторно Нејмар.
Челси се вклучува во битката и за Кореецот Ким Мин-Јае, кого го посакува и Манчестер Јунајтед, му нудат на Наполи да го врати Кулибали, но на крајот ќе се договорат за Пулишиќ.
Челси има многу играчи за размена, Обамејанг, голманите Кепа и Менди, Лофтус-Чик, Зијеч, Галахер се некои од имињата.
