Аргентинскиот стратег Маурисио Покетино, кој би можел да го преземе Челси, инсистира Мејсон Маунт да остане во тимот, пренесуваат медиумите на Островот.
Покетино е подготвен да го направи Маунт клучен играч за лондончани следната сезона.
Договорот на 24-годишниот играч од средниот ред истекува во летото 2024 година. Челси размислува да го продаде Маунт на крајот од сезоната доколку не успее да се договори за нов договор.
Маунт оваа сезона настапи на 35 натпревари во сите натпреварувања, постигнувајќи три гола и шест асистенции.
