Бразилскиот напаѓач Роберто Фирмино се прослави во дресот на Ливерпул, мина осум години на „Енфилд“, а на крајот од сезоната ќе се збогува со „црвениот“ дрес, бидејќи му истекува договорот.
Легендарниот напаѓач нема да ја продолжи соработката на „Енфилд“, туку кариерата ќе ја продолжи во Барселона.
Како што пишуваат медиумите на Островот, 31-годишниот Фирмино договорил сѐ со Каталонците и на крајот од сезоната ќе дојде како слободен играч.
Фирмино освои многу трофеи со Ливерпул, Лигата на шампионите, Премиер – лигата, ФА Купот, Лига купот, како и Светското клупско првенство, откако во 2015 година пристигна од Хофенхајм.
Бразилецот одигра вкупно 360 натпревари за „црвените“ и постигна 109 гола, со што стана миленик на навивачите на „Енфилд“.
