Според одлуката на Дисциплинската комисија на Фудбалскиот сојуз на Србија, стадионот на Партизан е суспендиран поради нередот на натпреварот со Чукарички, пренесува „Спорт клуб“.
„Црно-белите“ добија и забрана за организирана поддршка од навивачите на стадионите кога се гости.
Казната, која вклучува забрана за официјална поддршка на гостинските терени, почнува од недела на 23 април, кога Чукарички повторно го пречекува Партизан на Баново брдо, а потоа на 26 април ќе се применува суспензијата на стадионот на Партизан. Тоа е датумот кога ќе се игра „вечното дерби“ на српскиот фудбал.
