Српскиот интернационалец Душан Влаховиќ би можел да го пропушти дуелот против Спортинг Лисабон во Лига Европа, пренесуваат италијанските медиуми.
Причина за ова е повредата која го спречи да тренира денеска, што дополнително ги исплаши фановите и тренерот Масимилијано Алегри.
Влаховиќ има проблем со скочниот зглоб кој го заработи на натпреварот против Лацио.
Сепак, добрата вест за Јувентус е што Пол Погба тренира, исто како и Леонардо Бонучи.
Натпреварот меѓу Јувентус и Спортинг Лисабон, прв од четвртфиналната пресметка, е закажан за четврток од 21 часот.
