Интер ќе патува за Лисабон на утрешниот прв четвртфинален меч од Лигата на шампионите против Бенфика без двајца клучни играчи, објави „Газета дело спорт“.
Станува збор за дефанзивецот Милан Шкриниар и играчот од средниот ред Хакан Чалханолу кои не успеаја навреме да се опорават од повредите. Сепак и двајцата се надеваат дека ќе му бидат на располагање на Симоне Инзаги за саботниот натпревар на домашен терен против Монца во Серија А и за реваншот со португалскиот гигант следната недела.
Со оглед на нивното отсуство, утре се очекува стартери да бидат Матео Дармијан во одбраната и Марсело Брозовиќ во средниот ред. Во нападот можно е Един Џеко да биде стартер пред Ромелу Лукаку, како партнер на Лаутаро Мартинез.
