Новиот менаџер на Челси, Френк Лампард, имаше старт со пораз во неговото повторно деби на кормилото на лондончани. Неговиот тим загуби со 1-0 на гостувањето кај Вулверхемптон.
По натпреварот Лампард изјави дека нема начин како да се решат сите проблеми во еден ден.
Сепак, континуираната слаба форма на тимот е доста загрижувачка за навивачите, особено во пресрет на претстојниот двомеч со Реал Мадрид во Лигата на шампионите.
„Кој е загрижен, нека не доаѓа на стадион. Играчите не треба да бидат загрижени. Не би рекол дека на тимот му недостига агресија, но треба да бидеме поконцентрирани. Во среда е сосема поинаков натпревар. Имаме меч од огромно значење и мислам дека ќе биде поинаку. Не е лесно да се води Челси. Знам дека не сме на позицијата на која треба да бидеме, но има причина за тоа. Не очекував да ги решиме сите проблеми во еден ден. Треба да бидеме поагресивни, побрзи и поодлучни во дуелите. Играчите мора да бидат свесни дека без тоа не можеме да победиме на натпреварите. Тука сум да помогнам. Не сакам да претерувам со критиките. Во тимот има многу талент“, изјави Лампард.
