Баерн без Чупо Мотинг на пресметката со Сити во ЛШ

Напаѓачот на Баерн Минхен, Ерик-Максим Чупо-Мотинг би можел да го пропушти првиот натпревар од четвртфиналето на Лигата на шампионите против Манчестер Сити во вторник на 11 април. Камерунскиот интернационалец го повреди коленото на натпреварот од Купот на Германија против Фрајбург, кога тимот од Минхен беше поразен со 1-2 и елиминиран.

„Ќе бидеме во трка со времето, иако мислам дека има мали шанси Чупо-Мотинг да ни помогне на натпреварот против Манчестер Сити“, изјави Тухел.

Чупо-Мотинг ќе го пропушти натпреварот против Фрајбург во првенството овој викенд.