Манчестер Јунајтед по подолг период освои трофеј, откако го победи Њукасл со 2-0 во финалето на Карабао куп. Ова е прв трофеј во ерата на Ерик Тен Хаг, а „црвените ѓаволи“ потполно го заслужија на денешниот дуел на „Вембли“.
Кашемиро во 33.минута постигна одличен гол со глава за водство на Јунајтед, а само шест минути подоцна, по шутот на Маркус Рашфорд, дефанзивецот Свен Ботман играше со топката и уште еднаш беше измамен голманот на Њукасл, Лорис Кариус.
