Тренерот на Атлетико Мадрид, Диего Симеоне, не го криеше разочарувањето од некои судиски одлуки на дербито со Реал Мадрид (1-1). Најзабележително, не го прифати црвениот картон на Анхел Кореа, кој беше исклучен за удар со лакот над Антонио Рудигер во 64. минута.
„Рудигер е висок 194 сантиметри и од овој „брутален удар“ колабираше на теренот, а потоа веднаш стана. Фаулот можеби е за жолт картон, но ако играчите ги бркаат за такво нешто, ниту еден играч не треба да остане на теренот“, изјави Симеоне, кој го забележа 425. натпревар на чело на Атлетико во Ла Лига и се израмни со Мигел.
„Истото се случува секој пат и веќе станува нешто нормално, а не би требало да биде така. Би било убаво кога би можеле да се бориме со Реал Мадрид подеднакво. На секој натпревар на ‘Бернабеу’ работите се вртат против нас“, додаде тренерот на Атлетико.
