Поранешната ѕвезда на Манчестер Јунајтед, Вејн Руни, упати комплименти за менаџерот на „црвените ѓаволи“, Ерик тен Хаг. Рекордерот на Јунајтед верува дека Холанѓанецот е човекот кој ќе го врати клубот во деновите на слава.
„Ваков тренер на Манчестер Јунајтед му требаше со години. Неколку пати бев во базата и разговарав со играчите. Знам дека сакаат да работат под водство Тен Хаг, и тоа е секогаш важно. Во исто време, тој е тренер кој бара многу од играчите“, изјави Руни за „ЕСПН“.
„Тен Хаг го промени менталитетот на играчите, им ја врати самодовербата. Заостануваат пет бода од првото место, а остануваат уште многу натпревари, така што сѐ е можно… Тен Хаг смета на сите и оние кои влегуваат како резерви придонесуваат за добрите резултати. Токму оваа промена на карактерот му беше потребна на тимот“, додаде Вејн Руни.
