Валмир Нафиу прави трансфер во Кошице

Напаѓачот на Шкендија, Валмир Нафиу, заминува од Тетово и се сели во словачкиот тим Кошице. Тој веќе одигра пријателски натпревар за овој тим и се очекува до крајот на денот да потпише договор со клубот.

Нафиу и Влатко Стојановски одеднаш станаа прекубројни во Шкендија, им беше порачано да тренираат со младинскиот тим, како еден вид порака дека треба да си заминат. Нафиу очигледно најде солуција и ќе потпише за Кошице.