Карлос Квеирош е нов селектор на Катар

Португалскиот стратег Карлос Квеирош е именуван за нов селектор на фудбалската репрезентација на Катар. Тој неодамна го предводеше Иран на Мундијалот во Катар, а сега ќе работи постојано во оваа земја.

Домаќинот на последното Светско првенство беше без селектор од крајот на минатата година кога истече договорот на Шпанецот Феликс Санчез.

69-годишниот Кеирош е поранешен тренер на Реал Мадрид, а беше и селектор на репрезентациите на Иран, Португалија, ОАЕ, Јужна Африка, Колумбија и на Египет.