Менаџерот на Манчестер Јунајтед, Ерик тен Хаг изјави дека неговиот тим направил неприфатливи грешки на дербито против Арсенал и дека мора да научи од најновиот пораз (3-2) во Премиер – лигата.
„Тешко е да се прифати кога губите во последните моменти од натпреварот. Направивме грешки со сите три гола. Обично сме подобри во тие ситуации, тоа не треба да се случи”, изјави Тен Хаг.
Јунајтед загуби во Лондон од Арсенал, а Еди Нкетија го постигна победничкиот гол во 90. минута.
Тој беше запрашан дали тимот беше под преголем притисок за третиот гол.
„Го започнавме натпреварот многу добро, постигнавме гол и водевме, а потоа направивме толку многу грешки кои се неприфатливи. Мора да извлечеме поука и да продолжиме понатаму. Првите два гола почнаа од корнер и направивме премногу грешки од корнер до гол. Тоа не може да се случи. Тоа е лекција што треба да ја научиме. Добрите тимови не прават такви грешки“, рече Тен Хаг.
