Јувентус е казнет со одземање на 15 бода од салдото со одлука на Федералниот апелациски суд поради големиот скандал со лажирани капитални добивки.
Суспензии добија и раководните луѓе кои беа на чело на Јувентус во тој период.
Фабио Паратичи, кој сега е дел од Тотенхем, доби суспензија од 2,5 години.
Андреа Ањели и Маурицио Аривабене се суспендирани од фудбалот на две години, додека Павел Недвед ќе биде надвор од фудбалот осум месеци.
Федерико Черубини не смее да биде именуван на раководна позиција во период од една година.
