Манчестер Сити му нуди поголема плата на Хулијан Алварез

Аргентинскиот напаѓач Хулијан Алварез доби понуда да го продолжи договорот со Манчестер Сити. Актуелниот шампион на Англија е подготвен да го „одврзе ќесето“ и да му понуди поголема плата, посебно по добрите игри на Мундијалот и освојувањето на светската титула со Аргентина.

Алварез е обврзан со неговиот постоечки договор до 2027 година.

„Граѓаните“ во моментот имаат осум бода негатива во однос на лидерот Арсенал во трката за шампионската титула во Премиер – лигата.