Лионел Меси го надмина Диего Марадона како најдобар играч на сите времиња, изјави селекторот на светскиот шампион Аргентина, Лионел Скалони.
„Ако треба да изберам еден, го избирам Лео, имам посебен однос со него. Тој е најдобар на сите времиња, иако и Марадона беше одличен“, изјави Скалони за шпанското радио „Коп“.
Навивачите во Аргентина го идолизираат Марадона и го претпочитаа него пред Меси, но ставовите се чини дека се менуваат откако напаѓачот на Пари Сен Жермен го доведе националниот тим до светската титула минатиот месец за првпат откако Марадона ја инспирираше репрезентацијата за победа во 1986 година.
Скалони исто така откри дека неговата прва задача по назначувањето на функцијата во 2018 година била да разговара со Меси и да го убеди да се врати во националниот тим по кратка пауза.
„Првата работа што ја направив беше видео повик со Меси. Првото нешто што му реков беше „Врати се. Ќе те чекаме. Осум месеци подоцна тој се врати и направивме неверојатен тим“, додаде Скалони.
