Челси чека понуди за крилниот напаѓач Рахим Стерлинг. Англискиот репрезентативец се покажува како вишок кај менаџерот Греам Потер по трансферот на Михаило Мудрик.
Стерлинг во лондонскиот клуб дојде минатото лето за сума од 49 милиони фунти. Меѓутоа, само неколку месеци подоцна, напаѓачот би можел да си замине.
Од почетокот на сезоната, Стерлинг забележа 22 настапи за Челси, но сѐ уште не може да го покаже најдоброто од себе. 28-годишниот играч беше користен на различни позиции од тренерот на „сините“, но никако да го покаже својот комплетен потенцијал.
