Есенскиот првак Струга Трим Лум доведе уште едно капитално засилување за вториот дел од сезоната во македонскиот шампионат. Поранешниот репрезентативец Марјан Радески, кој во минатото беше член на Шкупи, Шкендија и на Академија Пандев, доаѓа во тимот на Срѓан Захариевски и ќе ја засили офанзивата во битката за шампионскиот трофеј.
Радески беше член на ерменскиот Пјуник, но не доби многу шанса да ги искаже своите квалитети, па реши да се врати во Првата фудбалска лига на Македонија. Тој одлучи да ја прифати понудата на раководството на Струга ТЛ.
