Давиде Никола доби отказ од Салернитана, пренесува официјалниот сајт на клубот. Неговото отпуштање доаѓа само неколку часа по дебаклот од Аталанта со 2-8 во дуелот од Серија А.
Давиде Никола ја презеде Салернитана во февруари 2022 година и му помогна на тимот да избегне испаѓање минатата сезона.
Салернитана во моментот се наоѓа на 16. позиција на табелата во италијанскиот шампионат со 18 бодови од 18 натпревари. Тимот нема победа од октомври кога го победи Лацио со 3-1, а потоа забележа четири порази и две нерешени средби.
