Тренерот на Рома, Жозе Мурињо, зборуваше за Купот на Италија, а сите беа изненадени од неговите лоши коментари за ова натпреварување.
Неговиот тим се пласираше во четвртфиналето, но и покрај тоа Мурињо упати силни критики за ова натпреварување.
„Мислам дека ова е најлошиот Куп во Европа, не ги штити помалите тимови. Не приредува шоу. Зборувам за Торино, на пример, кој го победи италијанскиот шампион на свој терен, а потоа треба да игра на гости повторно следниот натпревар. Навистина не го разбирам системот на натпреварување во Купот на Италија“, изјави Жозе Мурињо и додаде дека треба многу повеќе да се направи за да се популаризира Купот на Италија, да се играат повеќе натпревари на терените во Серија Б или Серија Ц.
Во 2010 година, Мурињо го освои Купот на Италија како тренер на Интер, во финалето против Рома.
„Би сакал да го освојам Купот на Италија, како и сите кои се натпреваруваат. Еднаш го освоив играјќи против Рома, сега би сакал да го освојам со Рома во Рим“, изјави Португалецот.
