Лионел Меси нема да се пресели во Саудиска Арабија како Кристијано Роналдо. Тој многу лесно одлучил да ја одбие неверојатната понуда на Ал Хилал вредна 300 милиони евра по сезона.
Ал-Наср го убеди еден од најдобрите фудбалери на сите времиња, Кристијано Роналдо, да се пресели во Саудиска Арабија и да игра во тамошното првенство за 200 милиони евра, а истото се обиде и со Лионел Меси друг саудиски гигант, Ал Хилал.
Клубот од Саудиска Арабија на најдобриот играч на Мундијалот во Катар му понуди астрономски 300.000.000 евра и сакаше да го направи Аргентинецот најбогат спортист во историјата, но тоа не беше доволно.
Меси кратко размислувал и се откажал од преселба во Саудиска Арабија. Фудбалерот на Пари Сен Жермен дефинитивно останува во Европа.
