Напаѓачот на Пари Сен Жермен и шпански репрезентативец Пабло Сарабија е нов член на англискиот премерлигаш Вулверхемптон.
Сарабија одлучи да премине во Премиер – лигата пред се затоа што „волците“ ги предводи неговиот фудбалски татко, Хулен Лопетеги. Парижаните добиваат фиксна отштета од 5 милиони евра, плус дел од лесно достапни бонуси.
Договорот на Сарабија е до 2025 година, со опција за уште една дополнителна година.
Сарабија (30), кариерата ја започна во Реал Мадрид, а играше и за Хетафе, Севилја, Пари Сен Жермен и за Спортинг Лисабон.
За шпанската репрезентација настапи 26 пати и постигна девет гола.
