Осимен и Елмас од пенал погодија во триумфот на Наполи (ВИДЕО)

Наполи се опорави од поразот од Интер и се врати на победите. Македонскиот репрезентативец Елиф Елмас даде голем придонес во триумфот (0-2) над Сампдорија. Тој беше стрелец на вториот гол од пенал во 82.минута.

Виктор Осимен во 19.минута донесе водство за „наполитанците“, а Сампдорија пред крајот на првиот дел остана со фудбалер помалку поради исклучувањето на Томас Ринкон.