Германците сметаат дека селекторот Јоаким Лев и неговите фудбалери имале среќа и добиле лесна група во квалификациите за Светското првенство во Катар. Во насловот на тиражниот „Билд“ се вели: „Среќна група Ј за Јоги, со Македонија и со Лихтенштајн“.
Селекцијата на Германија е носител во групата Ј и главен фаворит за освојување на првото место кое носи пласман на мундијалот во Катар. Покрај Македонија, противниците на „панцирите“ ќе бидат и селекциите на Романија, Исланд, Ерменија и на Лихтенштајн.
