Големата бразилска ѕвезда Нејмар веројатно нема да се опорави од повредата на зглобот на време за да настапи во осминафиналето на Светското првенствo. Напаѓачот доби повреда на мечот со Србија, поради што го пропушти натпреварот со Швајцарија.
Нејмар ниту утре нема да игра против Камерун, но овој натпревар е од мало значење за Бразилците, бидејќи веќе знаат дека обезбедија пласман во нокаут фазата и речиси сигурно ќе завршат како победници во групата.
Според „ТНТ Спортс“, Данило, кој заработи слична повреда на Нејмар на мечот со Србија, има шанса да се врати во осминафиналето, додека Нејмар и Алекс Сандро се уште не се доволно опоравени и продолжуваат да се лекуваат.
Осминафиналето на Бразил е закажан за в понеделник, 5 декември.
